«Ливерпуль» сардори Жордан Хендерсон клуб бир пайтлар у билан хайрлашишга тайёр бўлганини тан олди.

2012 йилда жамоа бош мураббийи бўлган Брендан Рожерс Хендерсонга уни асосий ўйинчи сифатида ҳисобламаслигини ва шунинг учун клуб уни қўйиб юборишга тайёрлигини айтганди.

“Брендан ростгўй эди. У мени асосий таркибда кўрмаётганини тез-тез айтарди. У менга танлаш имкониятини берди: мен кетишим ёки захира футболчиси сифатида қолишим мумкинлигини айтди. Шундан сўнг хонамга кириб йиғлаб юбордим. Кейин мен: "Эшитинг, мен ҳеч қаерга кетмайман, асосий таркибга кириш учун қўлимдан келганча ҳаракат қиламан" - дедим", - деб хотирлайди Хендерсон Mirror нашри билан суҳбатда.

Жордан Хендерсон »Ливерпул"даги 11-мавсумини ўтказмоқда. У клубда 400 дан ортиқ ўйин ўтказган.