"Арсенал" ҳужумчиси Александр Льяказеттга "Ювентус" қизиқиш билдирмоқда, дея хабар беради Calciomercato.
30 ёшли франциялик футболчининг “канонирлар” билан шартномаси шу йилнинг июнь ойи охирида якунига этади. "Ювентус" ҳужумчини эркин агент сифатида ўз сафига жалб қилмоқчи.
Олдинроқ "Лион" Льяказеттга катта шартнома таклиф қилишга тайёрлиги хабар қилинганди.
Футболчи 2017 йилнинг ёзида 53 миллион эвро эвазига "Лион"дан "Арсенал"га ўтган эди. Жорий мавсумда у “канонирлар” сафида 22 та ўйин ўтказиб, 5 та гол ва 4 та голли узатмани амалга оширган.
