Швейцариянинг Беллинцона федерал жиноят суди прокурорлари "ПСЖ" президенти Носир Ал-Хелайфини 28 ойлик қамоқ жазосини талаб қилмоқда, деб хабар беради L`Equipe.
Айбланувчи, ФИФАнинг собиқ раҳбарларидан бири Жером Валькега нисбатан 35 ойлик қамоқ жазоси сўралган. Учинчи айбланувчи грециялик Константинос Нтерисга 30 ойлик қамоқ жазоси сўралган.
Аввалроқ, Швейцария Федерал жиноий суди Ал-Хелайфи ва Вальке ишини аллақачон кўриб чиққан эди. 2020 йил кузида Ал-Хелайфи оқланди ва Вальке 120 кунлик синов муддати олди. Ўшанда Швейцария прокуратураси ҳам «ПСЖ» президентига 28 ойлик қамоқ жазосини сўраган, Вальке эса 3 йиллик қамоқ жазоси билан таҳдид қилинган.
"ПСЖ" президенти ФИФА собиқ бош котиби Жером Валькени жиноятга ундаганликда айбланмоқда. Вальке Ал-Хелайфидан 1,4 миллиондан 2,3 миллион еврогача молиявий фойда, хусусан, 2014 йилнинг мартидан 2015 йилнинг сентябригача Сардиниядаги вилладан фойдаланиш ҳуқуқини олганликда айбланган.
Терговчиларнинг фикрича, у буни 2026 ва 2030 йиллардаги жаҳон чемпионатларига телевидение ҳуқуқини Ал-Хелайфий назоратидаги медиа гуруҳига топшириш эвазига қилган.
