9 март, чоршанба куни Чемпионлар лигаси 1/8 финалидан ўрин олган «Реал» – «ПСЖ» жавоб учрашуви бўлиб ўтди. Учрашув 3:1 ҳисобида мадридликларнинг ғалабаси билан якунланди.
Умумий ҳисобда парижликлар 2:3 ҳисобида имкониятни бой беришди. «ПСЖ»нинг иккала голига ҳам Килиан Мбаппе муаллифлик қилди.
Шу тариқа, парижликлар ҳужумчиси Лионель Месси 15 йил ичида илк бор турнирнинг плей-офф босқичида бирорта ҳам гол ура олмади. Бундай ҳолат охирги марта 2006/07 йилги мавсумда содир бўлган, ўшанда Месси «Барселона» сафида «Ливерпуль» билан 1/8 финал учрашувида (1:2, 1:0) майдонга тушган.
