Томас Тухель АПЛ доирасида «Норвич» жамоасига қарши бўлиб ўтган ўйиндан сўнг, клубга киритилган санкциялар билан боғлиқ вазият ҳақида журналистларнинг саволларига жавоб қайтарди.
“Кўпчилик ўйлагандек диққатни жамлаш унчалик қийин эмас эди. Албатта, шовқин бор, муайян хавотирлар бор, лекин биз бир жамоа бўлиб қоламиз.
Суҳбатлар давом этмоқда ва бунинг бизга таъсири бор. Бугунги янгилик катта эди, унинг қанчалик катта эканлигини ҳали билмаймиз. Биз таъсирни тушуна олмаймиз.
Бугун биз бир-биримизга диққатни жамлашни ва завқланишни айтдик. Биз ўйинни, спортни яхши кўрамиз ва ғалаба қозониш учун ҳамма нарсани қиламиз», - дея хулоса қилди Тухель.