Tomas Tuxel APL doirasida «Norvich» jamoasiga qarshi bo‘lib o‘tgan o‘yindan so‘ng, klubga kiritilgan sanksiyalar bilan bog‘liq vaziyat haqida jurnalistlarning savollariga javob qaytardi.

“Ko‘pchilik o‘ylagandek diqqatni jamlash unchalik qiyin emas edi. Albatta, shovqin bor, muayyan xavotirlar bor, lekin biz bir jamoa bo‘lib qolamiz.

Suhbatlar davom etmoqda va buning bizga ta’siri bor. Bugungi yangilik katta edi, uning qanchalik katta ekanligini hali bilmaymiz. Biz ta’sirni tushuna olmaymiz.

Bugun biz bir-birimizga diqqatni jamlashni va zavqlanishni aytdik. Biz o‘yinni, sportni yaxshi ko‘ramiz va g‘alaba qozonish uchun hamma narsani qilamiz», - deya xulosa qildi Tuxel.