"Монако"да ижара асосида ўйнаётган "Бавария" дарвозабони Александр Нюбелнинг агенти Штефан Бакс дарвозабон ёзда немис клубига қайтмаслигини айтди, дея хабар берди журналист Фабрицио Романо.
"Агар кутилмаган ҳеч нарса содир бўлмаса, Алекс кейинги мавсумни ҳам "Монако"да ўтказади", - деди агент.
Эслатиб ўтамиз, ижара шартномаси 2023 йилнинг ёзига қадар амал қилади.
Нюбел жорий мавсумда барча турнирларда 37 та ўйинда майдонга тушиб, 39 та гол ўтказиб юборган. 11 марта ўз дарвозаси дахлсизлигини сақлаб қолди.
Эслатиб ўтамиз, 25 ёшли германияликнинг "Бавария" билан шартномаси 2025 йилгача мўлжалланган.