Якшанба куни «Андижон» 5-тур доирасида айнан Қаршида «Насаф» жамоасининг меҳмони бўлади. Табиийки, ушбу ўйин “Андижон” учун оғир кечиши олдиндан маълум. Шуни ҳисобга олган ҳолда мураббийлар футболчиларни мазкур учрашувга жиддий тайёрламоқдалар.
«Динамо» билан бўлиб ўтган баҳсдан кейин барча ўйинчилар клуб қароргоҳида қолишган ва бўлажак ўйинга ҳозирликни кучайтиришган. Кеча футболчилар эрталабки машғулотга чиқишмади. Чунки Александр Аверьянов кечки пайт «Соғлом авлод» стадонида уларни икки таркибга бўлган ҳолда ўйин ташкил этди.
«Оқлар»: Александр Петухов (Дилмурод Мамаюсупов), Азамат Исаев, Тадас Гражюнас, Илдар Маматказин, Икром Ибрагимов, Акбар Ходжаев, Бахром Абдурахимов (Адҳам Нормуҳаммедов), Санжар Тўрақулов, Ислом Ахмедов, Акмал Жўрабоев, Фарҳод Тоҳиров.
«Кўклар»: Лочин Долимов, Азиз Жўраев, Мақсуд Ҳайитов, Азиз Ғуломхўжаев, Даврон Турсунов, Расул Раҳмонов, Анвар Раҳимов, Акром Баҳриддинов, Алишер Тўхтасинов, Рустам Аъзамов (Жасур Қосимов), Акмал Эргашев (Баҳодир Валиев).
Ушбу учрашувда Акмал Жўрабоевнинг киритган ягона голи эвазига «оқлар» ғалаба қозонишди. Владимир Шишелов ҳамда Александр Половковда кичик жароҳат борлиги сабабли улар майдон четида шуғулландилар.
Шунингдек, Лочин Солиев билан Бекзод Ғозиев ҳам аста-секин жароҳатидан қутулиб югуришни бошладилар.