«Милан» ўнг қанот ҳимоячиси Алессандро Флоренцини сотиб олиш учун «Рома» билан музокаралар олиб бормоқда.

31 ёшли футболчининг ўйинлари миланликларни тўлиқ шартнома имзолашга ишонтирди. Шартномада 4,5 миллион евро миқдорига сотиб олиш мумкинлиги ҳақида банд киритилган, аммо «россонерилар» раҳбарлари Алессандрони бундан ҳам арзонроққа харид қилишни мўлжалламоқда. Яқин кунларда «Рома» ва «Милан» вакиллари бу масалани муҳокама қилиш учун учрашадилар.

Агар музокаралар муваффақиятли якунланса, Флоренци миланликлар билан 2025 йилгача шартнома имзолайди, дея хабар беради журналист Николо Скира.

Жорий мавсумда ҳимоячи «Милан» сафида 25 та ўйин ўтказиб, 1 та гол урган.