«Milan» o‘ng qanot himoyachisi Alessandro Florensini sotib olish uchun «Roma» bilan muzokaralar olib bormoqda.
31 yoshli futbolchining o‘yinlari milanliklarni to‘liq shartnoma imzolashga ishontirdi. Shartnomada 4,5 million yevro miqdoriga sotib olish mumkinligi haqida band kiritilgan, ammo «rossonerilar» rahbarlari Alessandroni bundan ham arzonroqqa xarid qilishni mo‘ljallamoqda. Yaqin kunlarda «Roma» va «Milan» vakillari bu masalani muhokama qilish uchun uchrashadilar.
Agar muzokaralar muvaffaqiyatli yakunlansa, Florensi milanliklar bilan 2025 yilgacha shartnoma imzolaydi, deya xabar beradi jurnalist Nikolo Skira.
Joriy mavsumda himoyachi «Milan» safida 25 ta o‘yin o‘tkazib, 1 ta gol urgan.
