Норвегиялик ҳужумчи Эрлинг Холандга Европада талаб катта, шу боис "Барселона" уни ўз сафига қўшиб олиши қийин бўлади. Diario Sport хабарига кўра, Каталония суперклуби раҳбарияти муқобил вариантларни кўриб чиқмоқда.

Улардан бири Роберт Левандовски бўлиши мумкин, у анчадан бери "Бавария"дан кетиш ниятида эканини яширмаган, у янги шартнома имзолашни истамайди. Польякнинг мюнхенликлар билан амалдаги шартномаси 2023 йилда тугайди. Келаси ёзда эркин агент сифатида жамоадан кетмаслиги учун унга келган таклифларни жамоа кўриб чиқиши мумкин.