Лондоннинг “Челси” футбол клубининг банк ҳисоблари музлатиб қўйилди. Бундай қарор Буюк Британия ҳукумати томонидан берилган амалдаги тадбиркорлик лицензиясига қарамай қабул қилинди, дея ёзади “РИА Новости” The Times нашрига таяниб.
Буюк Британия ҳукумати пайшанба куни етти нафар россиялик тадбиркорга, жумладан, “Челси” эгаси Роман Абрамовичга нисбатан санкциялар жорий қилди.
Санкциялар остида қолганларнинг Буюк Британияга кириши тақиқланади ва уларнинг мамлакатдаги активлари музлатилади.
Шундай қилиб, россиялик тадбиркор Абрамовичнинг Буюк Британияга кириш тақиқланди, унинг мамлакатдаги активлари музлатиб қўйилди.
Маълумот учун, санкциялар қўлланилишидан олдин Абрамович "Челси"ни бошқаришни хайрия жамғармаси васийларига топширганди.
