Londonning “Chelsi” futbol klubining bank hisoblari muzlatib qo‘yildi. Bunday qaror Buyuk Britaniya hukumati tomonidan berilgan amaldagi tadbirkorlik lisenziyasiga qaramay qabul qilindi, deya yozadi “RIA Novosti” The Times nashriga tayanib.
Buyuk Britaniya hukumati payshanba kuni yetti nafar rossiyalik tadbirkorga, jumladan, “Chelsi” egasi Roman Abramovichga nisbatan sanksiyalar joriy qildi.
Sanksiyalar ostida qolganlarning Buyuk Britaniyaga kirishi taqiqlanadi va ularning mamlakatdagi aktivlari muzlatiladi.
Shunday qilib, rossiyalik tadbirkor Abramovichning Buyuk Britaniyaga kirish taqiqlandi, uning mamlakatdagi aktivlari muzlatib qo‘yildi.
Ma’lumot uchun, sanksiyalar qo‘llanilishidan oldin Abramovich "Chelsi"ni boshqarishni xayriya jamg‘armasi vasiylariga topshirgandi.
