"Шальке" таркибида тўп сураётган испаниялик ҳужумчи Рауль жорий мавсум якунлангач, клубни тарк этади, деб хабар бермоқда клуб расмий сайти.
Испан ҳужумчиси гельзенкирхенликлар билан шартномани узайтирмасликка қарор қилди. Рауль "Шальке"га 2010 йилда ўтган ва аввалги мавсумда Германия Кубоги соҳиби бўлгн эди.
34 ёшли ҳужумчи Бундеслиганинг 63 ўйинида 27 та гол киритган.
Эслатиб ўтамиз, илгарироқ Рауль Қатарнинг "Ал-Аҳлий" клубига ўтиши борасида хабарлар пайдо бўлган эди. Терма жамоамиз ҳимоячиси Шавкат Муллажонов айнан шу клубда ўйнайди.