"Интер" вингер Иван Перишич билан шартномани узайтириш борасида музокаралар олиб бормоқда. Бироқ томонлар ҳозирча якуний келишувга эриша олишмаяпти, деб хабар беради TMW.

33 ёшли хорватиялик футболчи яна бир йилга узайтириш имконияти билан икки мавсумга шартнома имзоламоқчи. Шунингдек, у мавсумига 5 миллион евро ишлаб олмоқчи.

"Интер" "1+1" схемаси бўйича шартнома таклиф қилмоқда. Клуб шунингдек бироз камроқ маош ҳам таклиф қилади: 4,5 миллион.

Яқин вақт ичида томонлар музокараларнинг янги босқичини ўтказишади. Перишичнинг "Интер" билан амалдаги шартномаси шу ёзда якунига этади.

Жорий мавсумда у барча турнирларда 36 та ўйин ўтказиб, 5 та гол ва 3 та голли узатмани амалга оширди.