"Inter" vinger Ivan Perishich bilan shartnomani uzaytirish borasida muzokaralar olib bormoqda. Biroq tomonlar hozircha yakuniy kelishuvga erisha olishmayapti, deb xabar beradi TMW.
33 yoshli xorvatiyalik futbolchi yana bir yilga uzaytirish imkoniyati bilan ikki mavsumga shartnoma imzolamoqchi. Shuningdek, u mavsumiga 5 million yevro ishlab olmoqchi.
"Inter" "1+1" sxemasi bo‘yicha shartnoma taklif qilmoqda. Klub shuningdek biroz kamroq maosh ham taklif qiladi: 4,5 million.
Yaqin vaqt ichida tomonlar muzokaralarning yangi bosqichini o‘tkazishadi. Perishichning "Inter" bilan amaldagi shartnomasi shu yozda yakuniga etadi.
Joriy mavsumda u barcha turnirlarda 36 ta o‘yin o‘tkazib, 5 ta gol va 3 ta golli uzatmani amalga oshirdi.
