"Наполи" яримҳимоячиси Неаполь клуби билан янги шартнома имзолади. Битимга кўра, футболчи клуб шарафини 2016 йилгача ҳимоя қиладиган бўлди, дея хабар тарқатмоқда Sky Sport Italia телеканали.

Бу хабарнинг расмий тасдиғи олинганича йўқ. Шуниси аниқки, Ҳамшикнинг олдинги шартномасига кўра у 2015 йилгача клуб ихтиёрида бўлар эди.

Битимнинг молиявий шартлари нечоғлик ўзгаргани, унда товон пули назарда тутилган-тутилмагани ҳақмда ҳозирча хабар йўқ. Илгарироқ "Наполи" президенти Аурелио Де Лаурентис Ҳамшикнинг трансфер баҳоси 100 миллион евро эканлигини айтиб ўтган эди.

Эслатиб ўтамиз, словакиялик ҳавбек "Наполи" таркибида 2007 йилнинг ёзидан буён ҳаракат қилади. Ўшанда уни сотиб олиш неаполликларга 5 миллион еврога тушган эди.