Италиянинг «Торино» клуби ҳимоячиси Глейсон Бремер «Бавария»га ўтишга унчалик қизиқишига билдирмаяпти. Маълумотларга кўра, у «Интер»га ўтмоқчи.
24 ёшли бразилиялик футболчи узоқ вақтдан бери «Интер»нинг «радарида» бўлиб турибди ва унинг жорий мавсумдаги ўйини «нерадзуррилар» раҳбариятини ҳайрон қолдирди.
Corriere dello Sport нашри Бремерни қўлга киритиш учун «Интер»ни «Бавария»га қарагандан яққол фаворит деб билмоқда. Нашрнинг ёзишича, Милан клуби марказий ҳимоячи билан шахсий шартларни келишиб олган, бироқ ҳозирча «Торино» билан трансфер учун товон пули борасида келишмаган.
Глейсон Бремер жорий мавсум «Торино» сафида А серия доирасидаги 25 та ўйинда майдонга тушган. Унинг ҳисобида 2 та гол ва 1 та голли узатма бор.
