Italiyaning «Torino» klubi himoyachisi Gleyson Bremer «Bavariya»ga o‘tishga unchalik qiziqishiga bildirmayapti. Ma’lumotlarga ko‘ra, u «Inter»ga o‘tmoqchi.
24 yoshli braziliyalik futbolchi uzoq vaqtdan beri «Inter»ning «radarida» bo‘lib turibdi va uning joriy mavsumdagi o‘yini «neradzurrilar» rahbariyatini hayron qoldirdi.
Corriere dello Sport nashri Bremerni qo‘lga kiritish uchun «Inter»ni «Bavariya»ga qaragandan yaqqol favorit deb bilmoqda. Nashrning yozishicha, Milan klubi markaziy himoyachi bilan shaxsiy shartlarni kelishib olgan, biroq hozircha «Torino» bilan transfer uchun tovon puli borasida kelishmagan.
Gleyson Bremer joriy mavsum «Torino» safida A seriya doirasidagi 25 ta o‘yinda maydonga tushgan. Uning hisobida 2 ta gol va 1 ta golli uzatma bor.
