Агар «ПСЖ» спорт директори сотиб олишдан бош тортмаганида, Эдуардо Камавинга Париж клубига ўтиши мумкин эди.
FootMercato нашри хабарига кўра, ярим ҳимоячи икки йил аввал «Ренн»дан «ПСЖ»га ўтишга яқин турган эди, бироқ Леонардо футболчининг агенти сабаб шартномани бекор қилган.
2021 йилнинг ёзида Камавинга «Реал Мадрид»га ўтди. Ушбу трансфер Мадрид клубига 31 миллион еврога тушди.
Жорий мавсумда 19 ёшли франциялик «қаймоқранглилар» сафида барча турнирларда 32 та ўйин ўтказиб, 2 та гол урди ва 1 та голли узатма муаллифига айланди. Ярим ҳимоячининг «Реал» билан шартномаси 2027 йилгача мўлжалланган.
