Собиқ АПЛ юлдузи Денни Миллз Лукакунинг келажаги ҳақида фикр билдирди. У шундай дейди:
"Гвардиола ёзда марказий ҳужумчи сотиб олмоқчи экан. Шундан келиб чиқиб, Кейнни "Манчестер Сити"га сотилди деб ҳисоблайлик. Конте у ҳолда нима қилади? Менимча, унда Лукаку варианти бўлади. Ҳа, "Тоттенхэм" Лукакуни сотиб олиши керак.
Айни дамда у "Челси"да бахтли эмас. Гапим ғалатидай туюлиши мумкиндир. Аммо Конте уни яхши билади. Ромелу эса Контени яхши кўради. Агар шундай бўлса, кейинги йили "Тоттенхэм" яна ўз даражасини юксалтириб олар эди".
