"ПСЖ" ҳужумчиси Лионель Месси "Барселона"га қайтиши мумкин, дея хабар беради инсайдер Жерар Ромеро.
Унга кўра, футболчининг отаси аллақачон Каталония клуби раҳбарияти билан боғланиб, трансфер масаласини муҳокама қилган. Месси 2000 йилдан 2021 йилгача "Барселона"да ўйнаган. Аммо 2021 йилнинг ёзида шартномаси муддати тугагач, у "ПСЖ"га ўтди.
Ҳужумчининг ўзи каталонияликлар билан шартномани узайтирмоқчи бўлган, аммо молиявий аҳволи ёмон бўлгани учун клубга футболчини рўйхатдан ўтказишга рухсат берилмаган.
Месси жорий мавсумда 26 та ўйинда майдонга тушиб, 7 та гол урди ва 11 та голли узатмани амалга оширди.
