"Торино" ҳимоячиси Бремер фаолиятини Англияда давом эттириши мумкин, дея хабар беради журналист Николо Скира.
Манбага кўра, "Ливерпуль" ва "Тоттенхэм" скаутлари "Торино" - "Интер" (1:1) учрашувига ташриф буюриб, 24 ёшли бразилиялик футболчини кузатиб боришган. Ҳимоячи ўйин давомида жамоаси учун гол муаллифига айланди.
Бремер жорий мавсум А Серияда 25 та ўйинда майдонга тушиб, 2 та гол урди ва голли узатмани амалга оширди. Transfermarkt портали футболчининг нархини 20 миллион еврога баҳоламоқда.