Испаниянинг Mundo Deportivo нашрининг хабар беришича, «Милан» «Сассуоло»нинг 23 ёшли ҳужумчиси Жанлука Скамакка билан шартнома имзоламоқчи.

Аввалроқ, футболчига «Интер» жиддий қизиқиш билдираётгани ҳақида хабарлар тарқалган эди.

Ҳар икки клуб «Сассуоло» билан келаётган мавсум оралиғида ҳужумчи борасида музокараларни бошлади. Бироқ «Сассуоло» футболчини 45 миллион евродан камига қўйиб юбормоқчи эмас.

Қайд этилишича, «Милан» Скамакка эвазига «Сассуоло»га уч футболчи – Маттео Габбия, Марко Брешианини ва Марко Лазетични таклиф қилиб, трансфер нархини пасайтиришга ҳаракат қилади. А сериянинг жорий мавсумида Скамакка 27 ўйин ўтказиб, 12 гол урган.