Россиялик тадбиркор Валерий Ойф Голландиянинг “Витесс” футбол клуби акцияларини сотишга қарор қилди, деб ёзади “ТАСС” жамоа матбуот хизматига таяниб.
"Витесс" билан хайрлашиш мен учун жуда оғриқли, аммо ҳозирги вазиятда клуб, ходимлар, мухлислар, ҳомийлар ва бошқа манфаатдор томонлар манфаатларини кўзлаб, бу қийин қарорни қабул қиляпман.
Мен клуб билан кучли алоқани ҳис қилган ва ажойиб ўйинлардан завқланган махсус даврни доим ёдимда сақлайман. "Витесс" доимо менинг юрагимда қолади", - деди Ойф.
Қайд этилишича, тадбиркор 2016 йилдан буён клубни бошқараётган эди.
