Журналист ва спорт шарҳловчиси Даврон Файзиев "Насаф"нинг бугунги ўйини ҳақида фикр билдирди.

"Бугун Қаршининг "Насаф' клуби Осиё чемпионлар лигаси плэй-офф ўйинида БААнинг "Банияс" жамоаси билан ўйнайди. Саралаш бир ўйиндан иборат. Агар шу учрашувда "Насаф" ғалаба қозонса, гуруҳ босқичига йўл олади. Шу билан бирга "Сўғдиёна" клубига ОФК кубоги гуруҳ босқичига йўлланмани тақдим этади. Иккала клубимиз учун ҳал қилувчи баҳс.

Банияс - Насаф ғолиби Осиё ЧЛ “Е” гуруҳидан жой олади:
"Ас Садд (Қатар)
"Ал Файсали" (Саудия А)
"Ал Виҳдад" (Иордания)
"Банияс" (БАА) / "Насаф" (Ўзб)

Ўйин бугун 21:15 да Абу Дабида ўтказилади.

Афсуски, бу учрашув телеканалларда намойиш этилмайди. Ҳозирча шу, балки яна имкони топилар.

Ўзбек футболи шарафини ҳимоя қиладиган Насаф жамоасига омад ва ишончли ғалаба тилайман!", - деб ёзди Файзиев Telegram саҳифасида.