Россиянинг "Волга" футбол клуби бош мураббийи Дмитрий Черишев Испания Ла-лигаси 35-тури доирасидан ўрин олган "Барселона"-"Реал" ўйини ҳақида ўз фикрлари билан ўртоқлашди.
"Бу ерда ҳаммаси "Барселона"нинг қўлида, жамоа ҳар доим тўпни назорат қилади, бир сўз билан айтганда, барча кўрсаткичлар бўйича "Реал"дан устун. Бу жамоалар бир-бирларидан сал фарқ қилишади. "Барселона" кўпроқ комбинацион футбол намойиш этади бунга яна футболчиларнинг индивидуал техникаси ҳам қўшилади. "Реал" эса ўткир ва тезкор қарши ҳужумлар уюштириб, натижага эриша олади.
Менга доим "Барселона" ёқиб келган, лекин мен чемпионатни "Реал" ютишини истар эдим, чунки менга Моуриньонинг мураббийлик иши ёқади. Уни "Порту", "Челси", "Интер"да қилган ишларини кузатганман. Албатта, у ишлаган жамоаларда дарҳол кескин ривожланиш кўзга ташланишини тан олмай иложингиз йўқ", дея Черишевдан иқтибос келтирмоқда "Р-Спорт".
