"Тоттенҳэм"нинг бош мураббийи Ҳарри Реднапп жамоасини яқиндагина Англия кубоги ярим финалида 5:1 ҳисобида енгган "Челси"сининг ЕЧЛда ғолиб бўиш имкониятларини баҳолади.
"Мен "Барселона"га қарши ўтадиган жавоб ўйинида "Челси"га қайғураман. Бу бизнинг клубимиз учун фойдалироқ. Агар лондонликлар финалга йўл олишча, уларнинг гарданига жуддий юклама тушади. Чунки олдинда Премьер-лига ўйинлари ва Англия кубоги финали бор.
Улар "Барселона" устидан ғолиб чиқишга ҳам қодир. Каталонияликлар ўз майдонида гол ўтказиб юбориши ҳеч гап эмас. Агар "Челси" сафарда гол урадиган бўлса, финалга чиқиш учун ажойиб имконият ҳосил қилади.
Нима бўлганда ҳам, финалда "Челси"ниннг "Реал"ни мағлубиятга учратишига ишонмайман. Модомики уларнинг финалдаги рақиби "Бавария" бўлганда ҳам, улар билан Мюнхенда ўйнаш осон бўлмайди. Хуллас, "Челси" чемпионлар Лигасини ютишига ишонмайман", — деган Реднапп The Guardian нашрига берган интервьюсида.
