Япониянинг “Гамба Осака” дарвозасини ҳар иккала учрашувда ҳам ишғол қилган Анваржон Солиевнинг Чемпионлар лигасидаги умумий голлари сони 16тага етди.

Ортда қолган тўрт тур натижасига кўра ўз ҳисобига иккита гол ёзиб қўйган Солиев умумий рўйхатнинг иккинчи поғонасига кўтарилиб олди.

Чемпионлар лигаси тўпупарарлари пешқадами Қатарнинг “Ар-Райян” клуби ҳужумчиси Леандро бўлиб турибди. Бразилиялик футболчи ҳисобида 18та гол бор. Саудия Арабистонининг “Ал-Иттиҳод” клуби аъзоси Муҳаммад Нур ҳам худди Солиев сингари 16та тўпга муаллифлик қилган.

ОФК Чемпионлар лигасининг энг яхши тўпурарлари (2002-2012):
18 – Леандро* (Бразилия)
16 – Анваржон Солиев* (Ўзбекистон), Муҳаммад Нур* (Саудия Арабистони)
15 – Ли Донг Гук* (Жанубий Корея)
14 – Денилсон (Бразилия)
13 – Зайниддин Тожиев (Ўзбекистон)
12 – Магну Алвеш (Бразилия), Ким До Хун (Жанубий Корея), Ан Чжун Хван (Жанубий Корея), Носир Ал-Шамрони (Саудия Арабистони), Эниньо* (Бразилия), Эмад Муҳаммад (Ироқ)
11 – Фирас Ал-Хатиб (Сурия), Маҳмуд Карими (Эрон)
10 – Хао Хайдун (Хитой)
* - 2012 йилги Чемпионлар лигаси турнирига “заявка” бўлган футболчилар