"Манчестер Юнайтед"нинг собиқ футболчиси Пол Скоулз клуб устози Ральф Рангникга ишонмаяпти. Скоулз аввалроқ унга нисбатан ўзининг шубҳасини кўрсатган эди.
"Ҳаммаси раҳбариятдан, қолаверса, футболчиларга талаб қўйиши керак бўлган мураббийдан бошланади. Рангник яхши, ростгўй ва очиқ одам бўлиши мумкин, аммо мен унинг "Манчестер Юнайтед" каби клуб бошқарувида нима қилаётганини тушунольмаяпман. Ва мен ҳеч қачон тушунмайман. Ўйинчилар муҳим, аммо барчаси мураббийдан бошланади ва агар бу танлов муваффақиятли бўлмаса, унда ғалабалар бўлмайди. Сизга тўғри мураббий ва икки-уч йил керак. Шунда совринларга тайёр жамоа пайдо бўлади", - дейди Скоулз .
