Дортмунднинг «Боруссия» клуби жорий мавсум охирида Эрлинг Холанднинг нархини сезиларли даражада ошириши мумкин.
Олдинроқ Холанднинг «Боруссия» билан амалдаги шартномасида товон пули 75 миллион евро кўрсатилгани хабар қилинганди.
SPORT BILD тарқатган маълумотларга кўра, ушбу банд 2022 йил 30 апрелгача амал қилади. Шундан сўнг, «Боруссия» потенциал харидорлардан анча катта суммани талаб қилиши мумкин.
Холанд жорий мавсум Германия чемпионатида 15 та ўйин ўтказиб, 16 та гол урди ва 5 та голли узатмани амалга оширди.
Олдинроқ «Манчестер Сити» ва «Реал» Холандга асосий давогарлар бўлиб қолаётгани хабар қилинганди. Бундан ташқари, «Барселона» норвегиялик ҳужумчини сотиб олмоқчи.
