Dortmundning «Borussiya» klubi joriy mavsum oxirida Erling Xolandning narxini sezilarli darajada oshirishi mumkin.

Oldinroq Xolandning «Borussiya» bilan amaldagi shartnomasida tovon puli 75 million yevro ko‘rsatilgani xabar qilingandi.

SPORT BILD tarqatgan ma’lumotlarga ko‘ra, ushbu band 2022 yil 30 aprelgacha amal qiladi. Shundan so‘ng, «Borussiya» potensial xaridorlardan ancha katta summani talab qilishi mumkin.

Xoland joriy mavsum Germaniya chempionatida 15 ta o‘yin o‘tkazib, 16 ta gol urdi va 5 ta golli uzatmani amalga oshirdi.

Oldinroq «Manchester Siti» va «Real» Xolandga asosiy davogarlar bo‘lib qolayotgani xabar qilingandi. Bundan tashqari, «Barselona» norvegiyalik hujumchini sotib olmoqchi.