"Бавария" расмий сайти хабарига кўра, немис клуби мухлислари феврал ойининг энг яхши футболчиси деб ҳужумчи Роберт Левандовскини эътироф этишган.

Ойнинг энг яхши футболчиси учун овоз беришда польяк 25% овоз тўплади ва бу ғалаба қозониш учун етарли бўлди. Иккинчи ўринни Кингсли Коман эгаллади (20,8%), кучли учликни 14,4 фоиз овоз билан Лерой Сане якунлади.

Феврал ойида 33 ёшли Левандовски бешта ўйин ўтказиб, 5 гол урган.

Бундеслигада польшалик ҳужумчи тўпурарлар пойгасида якка пешқадам бўлиб турибди, Германия чемпионатида у 29 та гол урган. Унинг энг яқин таъқибчи Патрик Шик эса 20 та гол урди.

Трансфермаркт портали Левандовскининг трансфер қийматини 50 миллион еврога баҳоламоқда.