"Bavariya" rasmiy sayti xabariga ko‘ra, nemis klubi muxlislari fevral oyining eng yaxshi futbolchisi deb hujumchi Robert Levandovskini e’tirof etishgan.
Oyning eng yaxshi futbolchisi uchun ovoz berishda polyak 25% ovoz to‘pladi va bu g‘alaba qozonish uchun yetarli bo‘ldi. Ikkinchi o‘rinni Kingsli Koman egalladi (20,8%), kuchli uchlikni 14,4 foiz ovoz bilan Leroy Sane yakunladi.
Fevral oyida 33 yoshli Levandovski beshta o‘yin o‘tkazib, 5 gol urgan.
Bundesligada polshalik hujumchi to‘purarlar poygasida yakka peshqadam bo‘lib turibdi, Germaniya chempionatida u 29 ta gol urgan. Uning eng yaqin ta’qibchi Patrik Shik esa 20 ta gol urdi.
Transfermarkt portali Levandovskining transfer qiymatini 50 million yevroga baholamoqda.
