Кай Хаверц «Челси»нинг «Мидлсбро» билан бўладиган сафар ўйини учун йўл кира ҳаражатларини тўлаши мумкинлигини айтиб ўтди.
Буюк Британия ҳукуматининг санкциялари туфайли Лондон клуби самолётда учиш имкониятига эга бўлмаслиги эҳтимоли бор. Бу ҳолатда жамоа Англия кубоги ўйинига автобусда боришга мажбур бўлади.
«Йўл кира ҳаражатини мен тўлайман, бу муаммо эмас. Менимча, бу биз учун унчалик муҳим эмас. Биз учун асосийси ўйинга келиш.
Менимча, ҳозир дунёда автобус ёки самолётда сафар ўйинига боришдан кўра қийинроқ дақиқалар жуда кўп. Мен тўлайман, муаммо йўқ», — деди Хаверц.
