Kay Xavers «Chelsi»ning «Midlsbro» bilan bo‘ladigan safar o‘yini uchun yo‘l kira harajatlarini to‘lashi mumkinligini aytib o‘tdi.
Buyuk Britaniya hukumatining sanksiyalari tufayli London klubi samolyotda uchish imkoniyatiga ega bo‘lmasligi ehtimoli bor. Bu holatda jamoa Angliya kubogi o‘yiniga avtobusda borishga majbur bo‘ladi.
«Yo‘l kira harajatini men to‘layman, bu muammo emas. Menimcha, bu biz uchun unchalik muhim emas. Biz uchun asosiysi o‘yinga kelish.
Menimcha, hozir dunyoda avtobus yoki samolyotda safar o‘yiniga borishdan ko‘ra qiyinroq daqiqalar juda ko‘p. Men to‘layman, muammo yo‘q», — dedi Xavers.
