Лондоннинг «Вест Хэм» клуби матбуот хизмати ҳайвонларга шафқатсиз муносабатда бўлганликда айбланаётган франциялик ҳимоячи Курт Зума иши бўйича олиб борилаётган тергов бўйича баёнот берди.
«Курт тергов билан ҳамкорлик қилмоқда, клуб уни қўллаб-қувватламоқда. Зуманинг мушуклари ветеринария шифокорлари томонидан кўрикдан ўтказилди, уларнинг соғлиғида ҳаммаси жойида. Энди на "Вест Хэм"дан, на Зума томонидан ҳеч қандай изоҳ берилмайди», - дейилади Sky Sports хабарида.
Эслатиб ўтамиз, бир неча ҳафта олдин интернет тармоғида Зума вазани синдириб ташлаган мушукни ургани акс этган видео пайдо бўлган эди. Шундан сўнг ҳомийлар футболчининг шартномаларини бекор қилишди.
