Londonning «Vest Xem» klubi matbuot xizmati hayvonlarga shafqatsiz munosabatda bo‘lganlikda ayblanayotgan fransiyalik himoyachi Kurt Zuma ishi bo‘yicha olib borilayotgan tergov bo‘yicha bayonot berdi.
«Kurt tergov bilan hamkorlik qilmoqda, klub uni qo‘llab-quvvatlamoqda. Zumaning mushuklari veterinariya shifokorlari tomonidan ko‘rikdan o‘tkazildi, ularning sog‘lig‘ida hammasi joyida. Endi na "Vest Xem"dan, na Zuma tomonidan hech qanday izoh berilmaydi», - deyiladi Sky Sports xabarida.
Eslatib o‘tamiz, bir necha hafta oldin internet tarmog‘ida Zuma vazani sindirib tashlagan mushukni urgani aks etgan video paydo bo‘lgan edi. Shundan so‘ng homiylar futbolchining shartnomalarini bekor qilishdi.
