Таниқли шарҳловчи Хайрулла Ҳамидов АПЛнинг 27-тур доирасида ўтказилган "Арсенал" - "Ливерпуль" жамоалари ўртасидаги ўйинга изоҳ берди.

Мартинелли "МанСити"га қарши баҳсда ўйинни буткул бошқа томонга ўзгартириб юбориши мумкин голни ура олмагани эсингиздами? Жамоа кетидан қарши ҳужумда қизил карточка "сотиб олганди". Уёғини биласиз...

Бу сафар ҳам шундай бўлди. Эдегорнинг супервазияти, фойдалана олмаслик, давомидан ярим ҳимоячиларнинг қўпол хатоси - Тьягога осон пас узатишга имкон берилиши ва Рамсдейлнинг расво ўйини...

Бўлди, қолган дақиқаларда "тўпчилар"нинг нокдаундан ўзларига кела олишмаганини томоша қилаверинг!

Катта ўйинларда Артета йигитлари ҳисоб очишмаса, руҳий томондан қийналиб қолишлари бор гап. Ҳали бу масалада тажриба керак. Кейинги йиллар испан шунинг устида ишлайди. Аниқ.

Лекин натижа интригалар учун айни муддао бўлди: "Ливерпуль"нинг ғалабаси чемпионлик интригасини юқори нуқтасига олиб чиқди. "Арсенал"нинг ютқазиғи тўртинчи ўрин учун кечадиган жангни-да оловлатиб юборди.

АПЛнинг қолган баҳсларини тасаввур қилишга қўрқяпман.