Мадриднинг “Реал” клуби вингери Эден Азар яқин орада Англия Премьер-лигасига қайтиш ниятида эмас.
Аввалроқ матбуотда 31 ёшли белгиялик футболчига Англиянинг "Арсенал" ва "Ньюкасл" клублари қизиқиш билдираётгани ҳақида хабарлар тарқалган эди. Хабар қилинишича, Лондон клуби ҳатто футболчининг талабларини ўрганиш учунунинг вакиллари билан боғланган.
Бироқ, Foot Mercato хабарига кўра, Англияга қайтиш — "Челси"нинг собиқ юлдузи режаларига кирмайди. Азар "қаймоқранглилар"нинг асосий таркибидан жой олиш учун Мадридда қолишни афзал кўрмоқда.
Эден Азар жорий мавсум “Реал” сафида 22 та ўйинда майдонга тушиб, 1 та гол ва 2 та голли узатмани амалга оширди.
