"Манчестер Юнайтед" ярим ҳимоячиси Жесси Лингард фаолиятини Италияда давом эттириши мумкин. Футболчи "Рома" ва "Милан" қизиқишлари доирасига тушиб қолди. Бу ҳақда журналист Николо Скира твиттердаги саҳифасида хабар берди.
Эслатиб ўтамиз, Лингарднинг манкунианликлар билан шартномаси 2022 йилнинг ёзига қадар амал қилади. Аммо Жесси уни узайтирмоқчи эмас. Шунингдек англиялик футболчини “Вест Хэм” ва “Ньюкасл” ҳам ўз жамоасида кўришни истамоқда.
Сентябр ойида "Манчестер Юнайтед" раҳбарияти 29 ёшли ярим ҳимоячига шартномани узайтиришни таклиф қилган, бироқ Лингард рад жавобини берганди. Шу билан бирга, футболчи қишки трансфер ойнаси вақтида шартномасини узайтирмасликка ва клуб билан музокаралар олиб бормаслигини айтганди.
