Йўқ, кечаги "Нау Камп"дагига ўхшаб кетадиган ёқимсиз ёмғир назарда тутилмаяпти. Голлар ёмғири. Ҳатто иккинчи таймнинг ўрталарида ҳам" навбатчи ўйиндек" тассуввур уйғотган учрашув мана шундай драматик якунланишини ҳеч ким кутмаган бўлса керак. Воқеаларнинг бундай тус олишига эса, албатта, биринчи навбатда "МЮ" айбдор...
Ўйин анча эхтиёткор ва хавфли вазиятларсиз бошланди. Тайм охирларида хорватиялик Елавич боши билан Ди Хеа дарвозасини ишғол қилгунча, гуёки дарвозаларга қулф осилгандек эди. Уёғи кетди. Биринчи тайм тугамасдан Уэйн Руни Нани ошириб берган тўпни бошиб билан дарвозага киритиб, фаолиятидаги 179-голини киритди. Икинчи таймда эса, қисқа муддат ичида аввал Уэлбек, кейин Нани чиройли комбинацияларни голга айлантиришди - 3:1.
"Эвертон" бўш келишни истамади ва ҳисобни қисқартирди. Феллайни қанотдан ўша биринчи гол ҳаммуаллифи Ҳиббертнинг оширган пасини дарвозага йўллади. Лекин "МЮ2 яна бир комбинацияни голга айлантиргач, барча масала ҳал бўлгандек эди. Эътибор берманг, унақа бўлгандек эди, бунақа бўлгандек эди, деб кўп ёзиляпти. Аслида, ўйинни ўзи ҳам шундай бўлди - қандайдир якуний картина олиш қийин, фақат тасаввурлар ва кўникмалар баҳси бўлди.
Фақат бир нарса аниқки, Фергюсон шогирдлари хотиржамликка берилдилар ва жазоландилар. Елавич ва Пинар сўнгги 2 дақиқа ичида иккита гол уриб ҳисобни дуранг кўринишига олиб келдилар. Қисқа муддатда ўйинда бурилиш ясашга эса, энди ҳеч ким қодир эмасди. Катта меҳнат эвазига қўлга киритилган очко "Эвертон" учун жуда қадрли эди. Ҳимояда хатосиз ўйнаган меҳмонлар дуранг ҳисобини сақлаб қолдилар.
Шундай қилиб, етакчилар орасидаги фарқ 6 очкога етди. Аммо "Сити" бугун ўз ўйинини меҳмонда бўлса ҳам, анчадан бери ғалаба нималигини билмай келаётган, АПЛ нинг сўнгги ўриндаги жамоаси "Вулверҳэмптон"га қарши ўтказади ва ғалаба қозонгудек бўлса, уч очкогача фарқ қисқаради. Энди, тўплар нисбатини эътиборга оладиган бўлсак, кейинги турда ўзра ўйиндаги ғалаба МАнчини шогирдларини яна биринчи поғонага қайтариши мумкин. Сарлавҳага қайтамиз.
МАНЧЕСТЕР ЮНАЙТЕД – ЭВЕРТОН 4:4 (1:1)
Голлар: Руни (41, 69), Уэлбек (57), Нани (61), — Елавич (33, 83), Феллайни (67), Пиенар (85).
Манчестер Юнайтед: Де Хеа, Рафаэл, Ж. Эванс, Рио Фердинанд, Эвра, Скоулз (Жонс, 86), Кэррик, Валенсия (Х. Эрнандес, 89), Нани, Уэлбек, Руни.
Эвертон: Ҳовард, Ҳибберт, Ҳейтинга, Дистен (Кэйҳилл, 83), Невилл, Феллайни, Жагелка, Осман (Макфадден, 63), Д. Гибсон, Пиенар, Елавич.
Огоҳлантиришлар: Дистен (45), Эвра (46), Невилл (59).
Бош ҳакам: Майкл Жонс.
22 апрель, 15.30, «Олд Траффорд». 75522 томошабин
