25-29 март кунлари Наманганда ўтказиладиган «Navruz cup-2022» халқаро мусобақасига Тожикистондан ҳам ҳакамлар таклиф этилди.
Ўзбекистон футбол ассоциацияси таклифига биноан ФИФА реферилари Насрулло Кабиров (Нурек) ва Сайёджон Зайниддинов (Душанбе) ҳамда ФИФА рефериси ассистентлари Вафо Караев (Шахринав) ва Исмоил Нуралиев (Нурек) учрашувларни бошқариш учун юртимизга ташриф буюришади.
Маълумот ўрнида. Намангандаги турнирда 4та миллий жамоа иштирок этади. Ярим финал баҳслари 25 март, 3-ўрин учун ва финал баҳслари 29 март кунлари ўтказилади.
«Navruz cup-2022» тақвими
25 март (жума)
15:30 – Уганда – Тожикистон
19:00 – Ўзбекистон – Қирғизистон
29 март (сешанба)
15:30 – Учинчи ўрин учун баҳс
19:00 – Финал
