«Насаф» – «Андижон» учрашуви якунланганидан сўнг ҳар иккала жамоа бош мураббийлари ўртасида журналистлар саволларига жавоб қайтаришди.

 -Учрашув ҳақида тўхталадиган бўлсам, «Насаф» бугун жуда чиройли футбол намойиш этиб, ҳақли ғалабага эришди. «Насаф» биздан кучлилигини исботлади.  Биз рақибга ҳеч қандай қаршилик курсата олмадик. Бугунги баҳсда ҳимояда кўплаб ҳатоларга йўл қўйдик, ўйин сифати бўйича ҳам жуда ҳунук учрашувни ўтказдик.

- «Андижон» турнир жадвалида энг пастки ўринда бормоқда, бунинг сабаби нимада? Яъни кадрлар муаммоси туфайлими ёки Андижонда футболга бўлган эътибор пастлиги сабаблими?
- Андижонда футболга кучли эътибор қаратилади. Бизнинг муваффақиятсиз иштирокимизнинг асл сабаби жамоада кучли ижрочилар йўқ. Биз ҳоҳлаган футболчиларни ҳарид қила олмаганмиз.

- Бугунги учрашувнинг энг яхши футболчиси ким деб ўйлайсиз?
- Бироз қийин савол, менимча, Иван Бошковичнинг бу ўйинда яхши ҳаракат қилди.

- Бугун «Андижон» ўйнагиси келмагандек ҳаракатланди?
- Сиз футболчилар менга қарши ўйнади демоқчимисиз? Балким, аммо мени назаримда футболчиларим ўзларига яъни, «Андижон»га қарши ўйнашди.

- Чемпионатимизнинг савиясини қандай баҳолайсиз?
- Чемпионат яхши савияда ўтаяпти, менимча, йилдан-йилгача чемпионатда ўсиш кўзатилади.

- Шишеловнинг бугунги ҳаракатларини қандай изоҳлайсиз?
- Шишелов бугун майдонда яхши ўйнашга интилди, ундан ортиқи эмас. Унинг ўйинидан қониқмадим.