Германиянинг "Байер" клуби ҳимоячиси Михал Кадлец якшанбага ўтар кечаси Кёлнь шаҳри тунги клубларидан бирида икки эркак билан муштлашди.
Футболчи тунги клубда ўз севган қизи ва бир неча жамоадошлари билан "Ҳоффенҳайм" устидан қозонилган ғалабани (1:0) "юваётган" пайтда муштлашув келиб чиқди. Жанжални бошлаганлар маҳаллий "Кёльн" жамоасининг ишқибозлари бўлиб чиқди.
Шифокорлар 27 ёшли терма жамоа ўйинчисининг бурни синганлигини қайд этдилар. Душанба куни футболчини операция қиладилар, дея хабар беради Reuters.