"Милан" ҳужумчиси Златан Ибраҳимович "Манчестер Юнайтед"нинг швециялик ҳужумчиси Энтони Эланга ҳақида ўз фикрлари билан ўртоқлашди.
"Эланга - ажойиб истеъдод. Биз унинг швециялик эканлигидан фахрланамиз ва бундан хурсандмиз.
Эндиликда ўз мамлакатини халқаро миқёсда намоён эта олиши унинг аҳамиятини янада оширади. Агар Энтони шундай давом этса, уни катта келажак кутмоқда. У ўз салоҳиятини қанчалик очиб бера олиши фақат ўзига боғлиқ", - дея Ибраҳимовичнинг сўзларини келтиради SVT.