"Челси" бош мураббийи вазифасини бажарувчи Роберто ди Маттео "Барселона"га қарши кечадиган чемпионлар лигаси ярим финали жавоб учрашуви олдидан фикр билдирди.

"Голсиз дурангга ўйнаш жуда қийин. Агар гол ура олсак, бу бизга жуда катта устунлик беради. Буни бажариш қийин эканлигини сезиб турибмиз.
Албатта, "Барселона" ҳар қандай жамоанинг дарвозасига хавф сола олади. Биз эсагол уришимиз керак. Каталонияликлар бизнинг дарвозамизга хавф солишини чегаралаб қўйишга ҳаракат қиламиз.

Сўнгги машғулотда ўйинчиларимнинг жисмоний ва руҳий ҳолатларига қараб таркибни аниқлайман. Бу - эртага эрталаб содир бўлади.

 Нима содир бўлиши керак бўлса - содир бўлади. Бўлиши керак бўлган нарсалар устида тортишишнинг кераги йўқ. Футболчилар ўз вазифаларига тўла киришишлари керак", - дея ди Маттеонинг сўзларини келтиради Goal.com.