Уэйн Руни ва Патрик Виейра Премьер-лига шон-шараф залига киритилди.
Улар 2022 йилда бу залга кирган биринчи иштирокчиларга айланишди. Ҳозир унда 10 нафар собиқ футболчилар жой олган.
Руни деярли бутун футболчилик фаолиятини АПЛда, «Манчестер Юнайтед» ва «Эвертон»да ўтказди.
У турнирнинг беш карра ғолиби ҳисобланади. Премьер-лигада жами 208 та голи билан Уэйн лиганинг барча вақтлардаги иккинчи энг яхши тўпурари ҳисобланади.
Виейра эса «Арсенал» ва «Манчестер Сити»да ўйнаган. Лондон клуби билан у уч марта чемпионликни қўлга киритди, шу жумладан 2003/04 йилги мавсумда «канонирлар» унинг сардорлиги қўл остида умуман мағлуб бўлмади.
