"Марсель" сафида ҳаракат қилаётган "Арсенал" ҳимоячиси Вильям Салиба ижара муддати тугагандан сўнг клубда қолишга тайёрлигини айтди.

“Мен бу ерда ўзимни яхши ҳис қилаётганимни ҳеч қачон яширмаганман. Аммо келажагим ҳақида аниқ билмайман.

Мавсум тугашига 2 ой қолди. Энди энг муҳими Чемпионлар лигасига йўлланма олиш ва Конференция лигасида имкон қадар узоққа бориш.

Ўйлашимча, "Арсенал" ва "Марсель" ўртасидаги музокаралар май ойининг охири ёки июнь ойи бошида бўлиб ўтади. Кейин ҳаммасини ҳал қиламиз. Албатта, бу ерда қолиш жуда яхши фикр. Мен шаҳарни, жамоадошларимни, мураббийни яхши биламан. Лекин ҳаммаси фақат менга боғлиқ эмас", - деди футболчи.

Маълумот учун, Салиба жорий мавсум француз клуби сафида сафида 40 та ўйинда майдонга тушди. Transfermarkt унинг қийматини 24 миллион еврога баҳоламоқда.