"Marsel" safida harakat qilayotgan "Arsenal" himoyachisi Vilyam Saliba ijara muddati tugagandan so‘ng klubda qolishga tayyorligini aytdi.

“Men bu yerda o‘zimni yaxshi his qilayotganimni hech qachon yashirmaganman. Ammo kelajagim haqida aniq bilmayman.

Mavsum tugashiga 2 oy qoldi. Endi eng muhimi Chempionlar ligasiga yo‘llanma olish va Konferensiya ligasida imkon qadar uzoqqa borish.

O‘ylashimcha, "Arsenal" va "Marsel" o‘rtasidagi muzokaralar may oyining oxiri yoki iyun oyi boshida bo‘lib o‘tadi. Keyin hammasini hal qilamiz. Albatta, bu yerda qolish juda yaxshi fikr. Men shaharni, jamoadoshlarimni, murabbiyni yaxshi bilaman. Lekin hammasi faqat menga bog‘liq emas", - dedi futbolchi.

Ma’lumot uchun, Saliba joriy mavsum fransuz klubi safida safida 40 ta o‘yinda maydonga tushdi. Transfermarkt uning qiymatini 24 million yevroga baholamoqda.